Amerikalik qo‘shiqchi Jastin Timberleyk Ruminiyada bo‘lib o‘tgan Electric Castle musiqa festivalidagi chiqishi vaqtida muxlislari tomonidan keskin tanqid qilindi. Festivalda qatnashgan tomoshabinlarning aytishicha, u konsert davomida juda oz kuylagan.
Ijtimoiy tarmoqlarda tarqalgan videolardan birida Timberleyk mashhur “Can’t Stop the Feeling” qo‘shig‘ining so‘zlarini juda past va ilg‘ab bo‘lmas ohangda kuylayotgani aks etgan. Yomg‘ir boshlangan paytda u kapyushonini boshiga tortib olgan va keyingi misralarni muxlislarning o‘zlari aytishini imo-ishora bilan so‘ragan. Videoning oxirida esa Timberleyk sahnadagilarga: “Kuylang, bo‘linglar!” deb murojaat qilgan.
Video muallifi holatdan ranjib shunday yozgan: “Men konsertga pul to‘layman-u, xonanda qo‘shiq aytishdan bosh tortsa, bu nimasi?!”
Yana bir videoda esa Timberleyk omg‘irli ob-havoga ishora qilib shunday degan:
“Hozir o‘zimni isitishga urinyapman.. Bu yerda yozda har doim shunday yomg‘ir yog‘adimi? Yo‘qmi? Demak, buni ataylab men uchun tayyorlab qo‘yibsizlar-da? Rahmat!”
Avvalroq Monrealda o‘tkazilgan konsertda Timberleyk telefoniga termilib turgan bir ayol yaqinlashib, uning qarshisida jonli ijro qilgan edi. Ammo ayol atrofida nima bo‘layotganini sezmay, unga e’tibor qilmagan edi.
Izoh (0)