Америкалик қўшиқчи Жастин Тимберлейк Руминияда бўлиб ўтган Electric Cаstle мусиқа фестивалидаги чиқиши вақтида мухлислари томонидан кескин танқид қилинди. Фестивалда қатнашган томошабинларнинг айтишича, у концерт давомида жуда оз куйлаган.
Ижтимоий тармоқларда тарқалган видеолардан бирида Тимберлейк машҳур “Cаnʼt stop the feeling” қўшиғининг сўзларини жуда паст ва илғаб бўлмас оҳангда куйлаётгани акс этган. Ёмғир бошланган пайтда у капюшонини бошига тортиб олган ва кейинги мисраларни мухлисларнинг ўзлари айтишини имо-ишора билан сўраган. Видеонинг охирида эса Тимберлейк саҳнадагиларга: “Куйланг, бўлинглар!” деб мурожаат қилган.
Видео муаллифи ҳолатдан ранжиб шундай ёзган: “Мен концертга пул тўлайман-у, хонанда қўшиқ айтишдан бош тортса, бу нимаси?!”
Яна бир видеода эса Тимберлейк омғирли об-ҳавога ишора қилиб шундай деган:
“Ҳозир ўзимни иситишга уриняпман.. Бу ерда ёзда ҳар доим шундай ёмғир ёғадими? Йўқми? Демак, буни атайлаб мен учун тайёрлаб қўйибсизлар-да? Раҳмат!”
Аввалроқ Монреалда ўтказилган концертда Тимберлейк телефонига термилиб турган бир аёл яқинлашиб, унинг қаршисида жонли ижро қилган эди. Аммо аёл атрофида нима бўлаётганини сезмай, унга эътибор қилмаган эди.
Изоҳ (0)