Kkuchli shamol oqibatida Toshkent shahri va Toshkent viloyatining ayrim hududlarida elektr ta‘minotida uzilish kuzatilmoqda. Bu haqda Energetika vazirligi matbuot xizmati xabar berdi.
Maʼlum qilinishicha, Toshkent shahri va viloyatidagi ayrim elektr tarmoqlari xavfsizlikni ta‘minlash maqsadida qo‘lda o‘chirilgan.
Buning natijasida Toshkent shahrida 8 500 ta va Toshkent viloyatida 10 300 ta iste‘molchi elektr ta‘minotidan vaqtincha uzilgan.
Hozirgi vaqtda maxsus brigadalar tomonidan nosozliklarni bartaraf qilish hamda iste‘molchilarning elektr ta‘minotini qayta tiklash choralari ko‘rilmoqda.
Toshkent shahrida 17-may, soat 18:50 lardan boshlab kuchli chang bo‘ronli shamol bo‘layotgani haqida xabar berilgandi. Avtomobillarni daraxtlar va yengil konstruksiyali qurilmalar ostida qoldirmaslik tavsiya etilmoqda.
Fuqarolardan noqulay ob-havo sharoiti bilan bog‘liq har qanday favqulodda vaziyatlarda poytaxt hokimligi tegishli xizmatlarining (71) 212-69-80, (71) 212-69-82, 1050 va 1055 raqamlariga murojaat qilishlari so‘raldi.
Izoh (0)