Taniqli xonanda Dilfuza Ismoilova million dollar berilsa ham, ijro etishga rozi bo‘lmaydigan roli hamda qo‘lini so‘ragan arab shayxlarini rad etgani haqida so‘zlab berdi.
Xonanda nima sababdan serial va filmlarda suratga tushmayotgani haqida gapirdi.
— Film va seriallarga takliflar juda ko‘p bo‘ladi. Rad javobini beraman. Yaqinda mana, rejissyor Hilol Nasimov filmga taklif qildi. Qanaqa rol, desam, “ichadigan ayol” obrazi ekan. Ichib rol o‘ynar ekanman, yana qo‘limga kishan solib olib ketishar ekan. Bunaqa rolni o‘ynamayman. Million dollar bersa ham. Oyiga 100 ming dollar bersa ham, rozi bo‘lmayman. Men rol tanlaydigan aktrisaman, deydi u.
Shuningdek, Dilfuza Ismoilova shaxsiy hayotidagi noodatiy turmush qurish takliflari haqida ham to‘xtalib o‘tdi.
— Bundan bir necha yil avval umraga borish juda qiyin bo‘lgan paytda biz Yulduz Usmonova bilan qadr kechasida umra qilib kelganmiz. O‘shanda savol-javobdan o‘tish rosa qiyin edi. Saudiyaning elchixonasiga suhbatga kirganimizda Naif degan yoshgina arab yigiti meni yoqtirib qolgan. O‘sha menga sovchi qo‘ygan. Umraga borganimizda ham menga alohida mashinalar qilib qo‘ygan. Lekin men hamma qatori avtobusda yurganman. Konsertlarimga tushgan, juda ko‘p sovg‘a-salomlar jo‘natgan. Undan keyin yana bordik, yana bir arab ko‘ngil qo‘yibdi. Undan ham chamadon-chamadon kiyimlar, brilliant va tilla taqinchoqlar keldi. Olmayman, dedim, chiroyli muomala bilan yo‘q dedim. Lekin qoyil qolganim, rad javobini aytsam ham, sovg‘alarini tashlab ketgan, ularning hammasini yaqinlarimga tarqatganman, birortasini o‘zim ishlatmaganman.
Sizga aytsam, hozirgacha yosh yigitlar yaxshi ko‘rib qolib, ikkinchi xotinlikka taklif qilyapti. Bilmadim, balki ular “Meni boqib yurar” deb o‘ylab sevgi izhor qilar. Men esa umuman xohlamayman. Kallamni ishlataman. Menda ham sevgi bor. U sevgi Allohga, yaqinlarimga. Men ikki insonning o‘rtasidagi sevgiga ishonmayman, bandasining sevgisi hech qachon boqiy bo‘lmaydi, deydi xonanda.
Izoh (0)