Noyabr oyining ilk kunida “Humo Arena” muz saroyida Shohrux reperning “Bu safar boshqacha bo‘ladi” nomli konserti bo‘lib o‘tdi. “Daryo” jamoasi jonli ijrodagi konsert dasturida ishtirok etib, haqiqiy atmosferani his qilishga imkon yaratadigan reportaj tayyorladi.
Shohrux konsert davomida yangi kompozitsiyalari bilan bir qatorda mashhur xitlarini ham ijro etgani tomoshabinlarga yoqimli xotiralar ulashdi. Ayniqsa, “Balandda”, “Xayolimdasan”, “Bolaligim” qo‘shiqlarida muxlislar Shohruxga jo‘r bo‘ldi. Ko‘tarinki kayfiyat, ajoyib muhit, yuqori energiya tomoshabinlarni butun konsert davomida o‘rab oldi. Bir necha oy oldindan olingan chiptalar chinakam muxlislar yig‘ilganining isboti bo‘ldi.
Bundan tashqari sahna dizayni ham o‘ziga xos yasalgan: yorqin chiroqlar, musiqaga hamohang ekran, tomoshabinlarga yaqin o‘rnatilgan sahna — barchasi kayfiyatni yanada oshirish maqsadida qilingan. Shuningdek, qo‘shiqlarga mos tarzda tayyorlangan raqslar konsertni chinakam shouga aylantirdi.
Konsertda bir qator san’atkor va blogerlar ham mehmon bo‘ldi va buni o‘z Instagram sahifalariga joyladi.
Konsert yakunida tomoshabinlar fikri so‘ralganda ular bu safar chinakamiga boshqacha shou bo‘lganini ta’kidladi.
Shohrux Instagramdagi shaxsiy sahifasiga video joylab, quyidagicha izoh yozdi: “Konsertga kelgan barcha mehmonlarga katta rahmat! Sizlarning qo‘llab-quvvatlashingiz bilan mana shunday ajoyib shou bo‘ldi!”
Reportajni to‘liq holda Daryo Lifestyle kanalida tomosha qiling.
Izoh (0)