O‘zLiDeP vakillari va nomzodlar Jizzax viloyati “Qassoblik” mahallasi ahli bilan muloqot qilishdi.
Muloqotlar chog‘ida mahala ahliga partiya yangi saylovoldi dasturidan o‘rin olgan maqsad-vazifalarning ahamiyati sodda va xalqona tilda tushuntirildi.
Mazkur mahallada faoliyat olib borayotgan “Dr. Sobirov” xususiy klinikasi va Jizzax tibbiyot kollejida bo‘lib o‘tgan uchrashuvlar ham ko‘pchilikka katta qiziqish uyg‘otdi. Uchrashuvda partiya saylovoldi dasturidagi tibbiyot sohasiga bog‘liq maqsad va vazifalar haqida so‘z yuritildi.
Jumladan, sog‘liqni saqlash tizimini to‘liq raqamlashtirish, sifatsiz va inson hayoti uchun xavfli dori vositalari olib kiritilishiga qat’iy chek qo‘yish tashabbuslar soha mutaxassislari tomonidan iliq kutib olindi.
Saylovchilar O‘zLiDeP g‘oyalarining hayotiy va xalqchilligidan kelib chiqib bo‘lajak saylovda partiyadan ko‘rsatilgan nomzodlarni qo‘llab-quvvatlashlarini bildirishdi.
Izoh (0)