ЎзЛиДеП вакиллари ва номзодлар Жиззах вилояти “Қассоблик” маҳалласи аҳли билан мулоқот қилишди.
Мулоқотлар чоғида маҳала аҳлига партия янги сайловолди дастуридан ўрин олган мақсад-вазифаларнинг аҳамияти содда ва халқона тилда тушунтирилди.
Мазкур маҳаллада фаолият олиб бораётган “Др. Собиров” хусусий клиникаси ва Жиззах тиббиёт коллежида бўлиб ўтган учрашувлар ҳам кўпчиликка катта қизиқиш уйғотди. Учрашувда партия сайловолди дастуридаги тиббиёт соҳасига боғлиқ мақсад ва вазифалар ҳақида сўз юритилди.
Жумладан, соғлиқни сақлаш тизимини тўлиқ рақамлаштириш, сифатсиз ва инсон ҳаёти учун хавфли дори воситалари олиб киритилишига қатъий чек қўйиш ташаббуслар соҳа мутахассислари томонидан илиқ кутиб олинди.
Сайловчилар ЎзЛиДеП ғояларининг ҳаётий ва халқчиллигидан келиб чиқиб бўлажак сайловда партиядан кўрсатилган номзодларни қўллаб-қувватлашларини билдиришди.
Изоҳ (0)