Isroil milliy xavfsizlik vaziri Itamar Ben-Gvir bosib olingan Sharqiy Quddusdagi Al-Aqso masjidi majmuasi hududida yahudiy sinagogasini qurish niyati borligini aytdi. Bu haqda Al Jazeera xabar berdi.
Al-Aqsa majmuasi islom dinining uchinchi eng muqaddas ziyoratgohi va Falastin milliy o‘zligining ramzidir. Shuningdek, yahudiylar uni Birinchi va Ikkinchi ma’badlar joylashgan makon sifatida e’tirof etadi.
“Agar xohlagan narsamni qila olsaydim, bu joyga Isroil bayrog‘ini o‘rnatgan bo‘lardim”, deydi Ben-Gvir.
Jurnalist bir necha bor undan: “Agar sizga bog‘liq bo‘lsa, bu joyda sinagoga qurasizmi?” deb so‘ragach, Ben-Gvir “Ha” deb javob bergan.
O‘nlab yillar davomida Isroil hukumati tomonidan saqlanib kelinayotgan status-kvoga ko‘ra, yahudiylar va musulmon bo‘lmaganlar bosib olingan Sharqiy Quddusdagi majmuaga belgilangan soatlarda kirishi mumkin, u yerda ibodat qilish yoki diniy ramzlarni namoyish etishga ruxsat berilmaydi.
Yetakchi ravvinlarga ko‘ra, Al-Aqso masjidining muqaddasligi tufayli uning har qanday qismiga yahudiylar kirishi taqiqlangan. Masjid majmuasi Iordaniya tomonidan boshqariladi, ammo ushbu joyga kirish Isroil xavfsizlik kuchlari tomonidan nazorat qilinadi. Ben-Gvir yahudiylarga majmuada ibodat qilishga ruxsat berilishi kerakligini aytgan.
“Arablar istagan joyda ibodat qilishi mumkin, shuning uchun yahudiylar ham istagan joyda ibodat qilishi kerak”, degan u va hozirgi siyosat yahudiylarga ushbu joyda ibodat qilishga ruxsat berishini da’vo qilgan.
Izoh (1)
Al-aqso buzulsa yoki masjid ul aqsoni pokligiga putur yetishiga indamiy qarab turganlaga. Allohni ozi kifoya qisin.