Parij Olimpiadasi o‘yinlarida dzyudo bahslari davom etmoqda.
+100 kg vaznda Alisher Yusupov 1/16 finalda slovakiyalik Marius Fizelni mag‘lub etgan edi. Alisher chorak final bosqichda Temur Rahimov bilan to‘qnash keldi.
Tojikistonlik sportchiga qarshi harakat qilgan dzyudochi qiyin bahs o‘tkazdi. Bahsning asosiy vaqtida durang qayd etildi va Golden score’da hamyurtimiz 3-ogohlantirishni oldi va mag‘lubiyatga uchradi. Endi u bronza medali uchun kurash olib boradi.
Yusupov Osaka—2019 dzyudo bo‘yicha Katta dubulg‘a turniri musobaqasining +100 kg toifasida bronza medali sovrindori bo‘lgan.
2023-yil BAA da bo‘lib o‘tgan dzyudo bo‘yicha Jahon chempionatining yakkalik bahslarida Alisher Yusupov bronza medalini qo‘lga kiritgan edi.
Sportchi 1998-yil 2-dekabrda O‘zbekistonda tug‘ilgan. U jahon reytingida 9-o‘rinda qayd etilgan.
Izoh (0)