Qirg‘iziston Milliy xavfsizlik davlat qo‘mitasi soxta bojxona deklaratsiyasini rasmiylashtirgani uchun Interpol qidiruvida bo‘lgan O‘zbekiston fuqarosini qo‘lga oldi.
Ma’lum qilinishicha, 1992-yilda tug‘ilgan O‘zbekiston fuqarosi 26-iyul kuni ushlangan bo‘lib, u Interpolning o‘ta xavfli jinoyatchilar reyestrida ro‘yxatda turgan.
Qo‘lga olingan shaxs o‘z sheriklari bilan birgalikda soxta bojxona yuk deklaratsiyasini rasmiylashtirish bilan shug‘ullanib, O‘zbekiston davlat byudjetiga 12 milliard so‘mdan ortiq yetkazgan.
Botken tuman sudi qarori bilan Interpol qidiruviga berilgan O‘zbekiston fuqarosi tergov hibsxonasiga joylashtirildi. Ayni paytda tergov harakatlari olib borilmoqda.
Bu qidiruvda bo‘lgan O‘zbekiston fuqarolarining qo‘shni davlatlarda qo‘lga olinishi bilan bog‘liq birinchi holat emas. Jumladan, yil boshida Turkiston viloyati politsiyasi xalqaro qidiruvda bo‘lgan ikki nafar O‘zbekiston fuqarosini qo‘lga olgandi. Ulardan biri uch yildan buyon xalqaro qidiruvda bo‘lib, talonchilikda ayblangan. Ikkinchisi esa giyohvand moddalarni saqlash bilan bog‘liq jinoyat sodir etgan. Aprel oyida Qozog‘istonda 10 yildan ortiq xalqaro qidiruvda bo‘lgan O‘zbekiston fuqarosi ushlandi.
Izoh (0)