Қирғизистон Миллий хавфсизлик давлат қўмитаси сохта божхона декларациясини расмийлаштиргани учун Интерпол қидирувида бўлган Ўзбекистон фуқаросини қўлга олди.
Маълум қилинишича, 1992 йилда туғилган Ўзбекистон фуқароси 26 июль куни ушланган бўлиб, у Интерполнинг ўта хавфли жиноятчилар реестрида рўйхатда турган.
Қўлга олинган шахс ўз шериклари билан биргаликда сохта божхона юк декларациясини расмийлаштириш билан шуғулланиб, Ўзбекистон давлат бюджетига 12 миллиард сўмдан ортиқ етказган.
Боткен туман суди қарори билан Интерпол қидирувига берилган Ўзбекистон фуқароси тергов ҳибсхонасига жойлаштирилди. Айни пайтда тергов ҳаракатлари олиб борилмоқда.
Бу қидирувда бўлган Ўзбекистон фуқароларининг қўшни давлатларда қўлга олиниши билан боғлиқ биринчи ҳолат эмас. Жумладан, йил бошида Туркистон вилояти полицияси халқаро қидирувда бўлган икки нафар Ўзбекистон фуқаросини қўлга олганди. Улардан бири уч йилдан буён халқаро қидирувда бўлиб, талончиликда айбланган. Иккинчиси эса гиёҳванд моддаларни сақлаш билан боғлиқ жиноят содир этган. Апрель ойида Қозоғистонда 10 йилдан ортиқ халқаро қидирувда бўлган Ўзбекистон фуқароси ушланди.
Изоҳ (0)