Andijon shahrida mayning ferma fosh etildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, fuqaro D.K. va boshqalar o‘zaro til biriktirib, Andijon shahri, Savdogarlar ko‘chasidagi xonadonda tijorat maqsadida 11 ta to‘plamdagi mayning qurilmalarini umumiy foydalanishdagi elektr tarmog‘iga o‘zboshimchalik bilan ulab olgan.
Ular qonunga xilof ravishda mayning kriptoaktivlari faoliyati bilan shug‘ullanib, davlat va jamiyat manfaatlariga 413,4 mln so‘m zarar yetkazganliklari aniqlangan.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)