Qirg‘iziston respublikasining O‘sh viloyati tog‘ va adirliklarida 14-iyul kuni kuchli yomg‘ir yog‘di. Ushbu hodisa oqibatida Andijon viloyati Oqbo‘ra soyi Xo‘jaobod tumani Yorqishloqdagi ko‘prikni sel oqizib ketgan, piyodalar ko‘prigi qulab vayron bo‘lgan.
Ushbu hodisa oqibatida jabrlanganlar bo‘lmagani yuzasidan ma’lumot berildi.
“O‘zgidromet”ning xabar berishicha, seldan keyin Andijon, Shahrixonsoydan oqib ketgan qiz jonsiz holatda topilgan.
“Topilgan qiz tez yordamga jo‘natilgan. Qizning yoshi taxminan 10-12 yoshlarda. Hozirda o‘rganish ishlari olib borilmoqda, yakuni bo‘yicha qo‘shimcha axborot beriladi”, deyiladi xabarda.
Andijon viloyati hokimligi matbuot xizmatining xabar berishicha, mazkur hodisa viloyat hamda tuman hokimliklari, shuningdek, viloyat IIB tomonidan nazoratga olingan.
Hozirda shaxsi nomaʼlum va IIB vakillari uning shaxsiga aniqlik kiritish bo‘yicha ish olib bormoqda.
Jalaquduq va Xo‘jaobod tumanlari hududidagi tezkor o‘rganishlar davomida ushbu hududlarda bu yoshdagi farzandini yo‘qotgan hech bir oila yoki topilgan shaxsga, shu vaziyatga bog‘liq birorta holat aniqlanmadi.
Bundan kelib chiqib, ushbu shaxs viloyatimizdan tashqari bo‘lgan, toshqin ro‘y bergan boshqa hududdan oqib kelgan bo‘lishi mumkinligi taxmin qilinmoqda, deya qo‘shimcha qilinadi xabarda.
Izoh (0)