Toshkent viloyatida isteʼmolchilarning shartnoma va loyiha hujjatlarisiz o‘zboshimchalik bilan tarmoqqa to‘g‘ridan to‘g‘ri ulanib, tabiiy gazdan noqonuniy foydalanish holatlari aniqlandi. Bu haqda “O‘zenergoinspeksiya” matbuot xizmati xabar berdi.
Maʼlum qilinishicha, Chinoz tumanida joylashgan Neftni qayta ishlash zavodi (271,1 mln so‘m), Zangiota tumanida joylashgan “Sh.-B. A.” fermer xo‘jaligi (209,6 mln so‘m) hamda O‘rta Chirchiq tumanida fuqaro M.A. qarashli dehqonchilik fermer xo‘jaliklari (208 mln so‘m) tomonidan jami 688 mln so‘mlik tabiiy gazdan noqonuniy foydalanganliklari maʼlum bo‘ldi.
Mazkur holatlar yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
Izoh (0)