Andijon viloyatining Xo‘jaobod va Jalaquduq tumanlari orasidagi ko‘priklardan biri qulagani haqida xabar berilgandi. Holat bo‘yicha viloyat FVB matbuot xizmati munosabat bildirdi.
Maʼlum qilinishicha, 14-iyul kuni soat 15:15 da Xo‘jaobod va Jalaquduq tumanlarini bog‘lab turuvchi “Oqbo‘yra soy” ustiga qurilgan ko‘prik qulab tushgani to‘g‘risida xabar kelib tushgan.
Voqea sodir bo‘lgan joyga Andijon viloyati FVB rahbariyati, tuman hokimlik vakillari va Andijon viloyati FVB Qutqaruvchilari yetib borgan.
Hozirda “Oqbo‘yra soy” suv oqimi o‘z yo‘lida harakatlanmoqda.
Mazkur holat yuzasidan fuqarolarning tan jarohati yoki halok bo‘lganlar to‘g‘risidagi maʼlumot kelib tushmagan.
Izoh (0)