Har uchinchi ayol ertami-kech soch to‘kilishi muammosiga duch keladi. Sochingiz sezilarli darajada ko‘p to‘kilishining sababini bilish ba’zan uzoq vaqtni talab etadi. Trixolog va va boshqa mutaxassislar bunday muammoga duch kelganda birinchi navbatda e’tibor berish lozim bo‘lgan belgilarni sanab o‘tdi.
Travmatik alopetsiya
Yechim: Sochingizning holatini tahlil qiling
Ayollarda travmatik soch to‘kilishi doimiy ravishda sochlarni qattiq va tortib bog‘lab yurish, afrikacha usulda mayda o‘rish natijasida yuzaga keladigan muammodir.
Bunday vaqtda trixologlar sochlarning tuzilishini o‘rganishni va uning jismoniy xossalarini to‘liq tushunishni maslahat beradi: sochning zichligi, qalinligi va elastikligi. Bu orqali sochlarga aynan nima to‘g‘ri kelmagani haqida bilib olish va qayta o‘sha xatoga yo‘l qo‘ymaslikka erishiladi.
Stress
Yechim: Ko‘proq dam oling va hayotingizdagi stressni kamaytirishga harakat qiling
Stress ruhiy va jismoniy farovonlikning deyarli barcha jihatlariga ta’sir qiladi, ayniqsa, stress holati immunitet tizimini faollashtiradi va uni turli tashqi tahdidga qarshi turishga tayyorlaydi. Bunda organizmning barcha kuchlari hozirgi vaqtda omon qolishni ta’minlash uchun yo‘naltirilgani sababli soch o‘sishi sekinlashishi, hatto, to‘xtashi mumkin. Shu tariqa o‘sgan soch tolalari to‘kiladi, lekin yangilari paydo bo‘lmaydi. Ayrimlarning soch hajmi kamroq bo‘lib tuyuladi.
Shuningdek, kun davomidagi noxush holatlar tanadagi kortizol — stress gormoni darajasini oshiradi, bu esa o‘z navbatida soch o‘sish sikliga salbiy ta’sir qiladi.
Organizmda vitaminlarning yetishmasligi
Yechim: tanangizni to‘liq tekshiruvdan o‘tkazing va qondagi vitaminlar tarkibini o‘rganib, ularning o‘rnini to‘ldiring
Oqsil organizmdagi asosiy qurilish blokidir. Uning yetishmasligi soch tolalari hujayralarining qayta tiklanish davri sekinlashishiga va to‘xtashiga olib keladi. Temir soch salomatligi uchun ham muhimdir, shuning uchun uning yetishmasligi bevosita soch holatiga ta’sir qiladi.
Tirnoqlarning mo‘rtlashishi, terining rangparligi, nafas qisilishi, zaiflik va yurakning tez urishi ham temir tanqisligini ko‘rsatadi. Shuningdek, D vitamini va B12 yetishmovchiligi ham diqqatga sazovordir, chunki ular sochlarning mustahkamligini ta’minlaydigan keratin oqsilidir.
Genetik kasalliklar
Yechim: shifokor bilan maslahatlashing
Erkaklarda soch to‘kilishining 80% gacha bo‘lgan holatlar genetik omillar bilan bog‘liq, shuning uchun birinchi navbatda qarindoshlaringiz bilan bunday kasallikka duchor bo‘lish ehtimolini muhokama qilish va keyin shifokor bilan maslahatlashish kerak.
Homiladorlik
Yechim: vahima qilmang, bu vaqtinchalik holat
Homiladorlik davri — kuchli gormonal o‘zgarishlar bilan birga keladigan organizmning kuch sinovidir. Tug‘ruqdan so‘ng, gormonal fon barqarorlashganda, uch oydan olti oygacha bo‘lgan davrda yo‘qolgan sochlar o‘rni tiklanadi.
Sochlarni muntazam ravishda fen, dazmol kabi vositalar bilan turmaklash
Yechim: sochlarni termik himoya qiluvchi maxsus kosmetikadan foydalaning
Soch quritgichlari, jingalak qiluvchi ploykalar, dazmol kabi turmaklash vositalaridan haddan ortiq foydalanish sochlaringizni quruq, sinuvchan qilib qo‘yadi.
Bunga yo‘l qo‘ymaslik uchun harorat haqida ma’lumot berib turadigan dazmoldan hamda sochlarni himoyalovchi termo-himoyalardan foydalaning.
Sochlarni tez-tez bo‘yash
Yechim: Bir necha oy tanaffus qiling va sochingiz rangini o‘zgartirmang
Sochlarni tez-tez bo‘yash ham ularning to‘kilishiga olib kelishi mumkin. Haddan tashqari ko‘p kimyoviy ishlov berish soch ildizini zaiflashtiradi.
To‘satdan vazn yo‘qotish
Agar oyiga 5 kilogrammdan ortiq vazn yo‘qotishga imkon beradigan parhezlarga amal qilinsa, bu bilan nafaqat vaznni, balki sochlarni ham yo‘qotish xavfi bor. Ratsiondagi har qanday yetishmovchilik birinchi navbatda sochning holatiga ta’sir qiladi.
Yosh
Menopauza arafasida sochlar siyraklashib, intensiv ravishda to‘kila boshlaydi, bu estrogen ishlab chiqarishning pasayishi bilan bog‘liq.
Yechim: Bunday vaqtda sochlar sekin o‘sadi, shuning uchun ularning holati va o‘sish tezligi normal holatga qaytishi uchun kamida uch oy kerak bo‘ladi. Siz to‘g‘ri ovqatlanishda davom etishingiz lozim.
Fasllar o‘zgarishi
Yechim: muntazam ravishda sochlar uchini kesib turing
Tadqiqotlar shuni ko‘rsatdiki, ba’zi odamlarda uchun soch to‘kilishi faqat ma’lum vaqtda yuz berishi, ya’ni mavsumiy takrorlanishi mumkin. Misol uchun, kuz faslining oktyabr yoki noyabr oylarida ayollarning aksariyatida sochlar to‘kilishi normal holat.
Izoh (0)