Ҳар учинчи аёл эртами-кеч соч тўкилиши муаммосига дуч келади. Сочингиз сезиларли даражада кўп тўкилишининг сабабини билиш баъзан узоқ вақтни талаб этади. Трихолог ва ва бошқа мутахассислар бундай муаммога дуч келганда биринчи навбатда эътибор бериш лозим бўлган белгиларни санаб ўтди.
Травматик алопеция
Ечим: Сочингизнинг ҳолатини таҳлил қилинг
Аёлларда травматик соч тўкилиши доимий равишда сочларни қаттиқ ва тортиб боғлаб юриш, африкача усулда майда ўриш натижасида юзага келадиган муаммодир.
Бундай вақтда трихологлар сочларнинг тузилишини ўрганишни ва унинг жисмоний хоссаларини тўлиқ тушунишни маслаҳат беради: сочнинг зичлиги, қалинлиги ва эластиклиги. Бу орқали сочларга айнан нима тўғри келмагани ҳақида билиб олиш ва қайта ўша хатога йўл қўймасликка эришилади.
Стресс
Ечим: Кўпроқ дам олинг ва ҳаётингиздаги стрессни камайтиришга ҳаракат қилинг
Стресс руҳий ва жисмоний фаровонликнинг деярли барча жиҳатларига таъсир қилади, айниқса, стресс ҳолати иммунитет тизимини фаоллаштиради ва уни турли ташқи таҳдидга қарши туришга тайёрлайди. Бунда организмнинг барча кучлари ҳозирги вақтда омон қолишни таъминлаш учун йўналтирилгани сабабли соч ўсиши секинлашиши, ҳатто, тўхташи мумкин. Шу тариқа ўсган соч толалари тўкилади, лекин янгилари пайдо бўлмайди. Айримларнинг соч ҳажми камроқ бўлиб туюлади.
Шунингдек, кун давомидаги нохуш ҳолатлар танадаги кортизол — стресс гормони даражасини оширади, бу эса ўз навбатида соч ўсиш циклига салбий таъсир қилади.
Организмда витаминларнинг етишмаслиги
Ечим: танангизни тўлиқ текширувдан ўтказинг ва қондаги витаминлар таркибини ўрганиб, уларнинг ўрнини тўлдиринг
Оқсил организмдаги асосий қурилиш блокидир. Унинг етишмаслиги соч толалари ҳужайраларининг қайта тикланиш даври секинлашишига ва тўхташига олиб келади. Темир соч саломатлиги учун ҳам муҳимдир, шунинг учун унинг етишмаслиги бевосита соч ҳолатига таъсир қилади.
Тирноқларнинг мўртлашиши, терининг рангпарлиги, нафас қисилиши, заифлик ва юракнинг тез уриши ҳам темир танқислигини кўрсатади. Шунингдек, D витамини ва B12 етишмовчилиги ҳам диққатга сазовордир, чунки улар сочларнинг мустаҳкамлигини таъминлайдиган кератин оқсилидир.
Генетик касалликлар
Ечим: шифокор билан маслаҳатлашинг
Эркакларда соч тўкилишининг 80% гача бўлган ҳолатлар генетик омиллар билан боғлиқ, шунинг учун биринчи навбатда қариндошларингиз билан бундай касалликка дучор бўлиш эҳтимолини муҳокама қилиш ва кейин шифокор билан маслаҳатлашиш керак.
Ҳомиладорлик
Ечим: ваҳима қилманг, бу вақтинчалик ҳолат
Ҳомиладорлик даври — кучли гормонал ўзгаришлар билан бирга келадиган организмнинг куч синовидир. Туғруқдан сўнг, гормонал фон барқарорлашганда, уч ойдан олти ойгача бўлган даврда йўқолган сочлар ўрни тикланади.
Сочларни мунтазам равишда фен, дазмол каби воситалар билан турмаклаш
Ечим: сочларни термик ҳимоя қилувчи махсус косметикадан фойдаланинг
Соч қуритгичлари, жингалак қилувчи плойкалар, дазмол каби турмаклаш воситаларидан ҳаддан ортиқ фойдаланиш сочларингизни қуруқ, синувчан қилиб қўяди.
Бунга йўл қўймаслик учун ҳарорат ҳақида маълумот бериб турадиган дазмолдан ҳамда сочларни ҳимояловчи термо-ҳимоялардан фойдаланинг.
Сочларни тез-тез бўяш
Ечим: Бир неча ой танаффус қилинг ва сочингиз рангини ўзгартирманг
Сочларни тез-тез бўяш ҳам уларнинг тўкилишига олиб келиши мумкин. Ҳаддан ташқари кўп кимёвий ишлов бериш соч илдизини заифлаштиради.
Тўсатдан вазн йўқотиш
Агар ойига 5 килограммдан ортиқ вазн йўқотишга имкон берадиган парҳезларга амал қилинса, бу билан нафақат вазнни, балки сочларни ҳам йўқотиш хавфи бор. Рациондаги ҳар қандай етишмовчилик биринчи навбатда сочнинг ҳолатига таъсир қилади.
Ёш
Менопауза арафасида сочлар сийраклашиб, интенсив равишда тўкила бошлайди, бу эстроген ишлаб чиқаришнинг пасайиши билан боғлиқ.
Ечим: Бундай вақтда сочлар секин ўсади, шунинг учун уларнинг ҳолати ва ўсиш тезлиги нормал ҳолатга қайтиши учун камида уч ой керак бўлади. Сиз тўғри овқатланишда давом этишингиз лозим.
Фасллар ўзгариши
Ечим: мунтазам равишда сочлар учини кесиб туринг
Тадқиқотлар шуни кўрсатдики, баъзи одамларда учун соч тўкилиши фақат маълум вақтда юз бериши, яъни мавсумий такрорланиши мумкин. Мисол учун, куз фаслининг октябрь ёки ноябрь ойларида аёлларнинг аксариятида сочлар тўкилиши нормал ҳолат.
Изоҳ (0)