Elektr energiyasi to‘lovlari bilan bog‘liq nosozlik to‘liq bartaraf etildi — “Hududiy elektr tarmoqlari”

“Hududiy elektr tarmoqlari” elektr energiyasi to‘lovlari bilan bog‘liq nosozlik to‘liq bartaraf etilganini ma’lum qildi.

Ijtimoiy tarmoqlarda 7-iyul kuni elektr energiyasi uchun to‘lovlarda hisobga ikki barobar pul hisoblanayotgani to‘g‘risida xabar tarqaldi. “Hududiy elektr tarmoqlari” holatga munosabat bildirib, to‘lov tizimlari bilan bog‘liq texnik nosozlik kuzatilgani sabab to‘lov amalga oshirilganda isteʼmolchi balansida to‘lov qoldig‘ini ko‘proq ko‘rsatish kuzatilayotganini ma’lum qildi.

Qayd etilishicha, ayni paytda iste’molchilar elektr energiyasi uchun to‘lovlarni istalagan to‘lov tizimlari orqali amalga oshirishlari mumkin.

Kelib chiqqan noqulaylik uchun uzr so‘raymiz, — deyiladi xabarda.

Avvalroq elektr energiyasi iste’moli noto‘g‘ri hisoblanayotganining sababi ma’lum qilingan edi. Ijtimoiy tarmoqlarda tarqalayotgan bunday xabarlar kelib chiqishining asosiy sababi ayrim tо‘lov tizimlarining “Hududiy elektr tarmoqlar” AJ bilan kelishmagan holda, gо‘yoki iste’molchilarga qulaylik yaratish maqsadida ma’lumotlar chiqargani sababli kо‘plab iste’molchilarda mana shunday tushunmovchiliklar yuzaga kelgani aytildi.