Toshkent shahrida yashovchi 32 yoshli X.B. ichki ishlar organlariga murojaat qilib, bank kartasidan 3 mln 557 ming so‘m miqdoridagi pul mablag‘lari nomaʼlum shaxs tomonidan o‘zlashtirilganligini maʼlum qilgan. Bu haqda Kiberxavfsizlik markazi xabar berdi.
Maʼlum qilinishicha, o‘tkazilgan tezkor-qidiruv tadbirlari natijasida mazkur jinoyatni Toshkent shahrida yashovchi A.A. sodir etganligi aniqlandi.
Unga ko‘ra, A.A. internet foydalanuvchilariga Telegram messenjeri orqali yolg‘on eʼlonlar ostida soxta dastur, havola jo‘natgan. Bu eʼlonga ishongan jabrlanuvchi X.B.ning bank karta maʼlumotlarini qo‘lga kiritish orqali uning bank mobil ilovasiga ikkinchi foydalanuvchi sifatida ulanib olgan va uning hisobidagi pullarni o‘zining foydalanuvida bo‘lgan bank kartasiga o‘tkazib olib, ehtiyojlari uchun sarflab yuborgan.
Mazkur holat yuzasidan A.A.ga nisbatan JKning 169-moddasi (o‘g‘rilik) 3-qismi “g” bandi bilan jinoyat ishi qo‘zg‘atilgan.
Izoh (0)