Fransiyaning “PSJ” klubi 16 yoshli hujumchi — Lamin Yamalni sotib olish uchun “Barselona”ga 250 million yevro taklif qilishga tayyor. Bu haqda Mundo Deportivo xabar bermoqda.
Manbaga ko‘ra, Kataloniya klubi hech qanday summa evaziga futbolchini sotmaydi.
Mart oyida “Barselona” prezidenti Joan Laporta “PSJ” Yamal uchun 200 million yevro taklif qilgani, ammo bu taklif rad etilgani haqida aytib o‘tgandi.
O‘tgan mavsumda Yamal barcha turnirlarda 53 ta o‘yinda qatnashib, 7 ta gol va 11 ta golli uzatmani amalga oshirgan. Futbolchining klub bilan amaldagi mehnat shartnomasi 2026-yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 90 million yevroni tashkil qiladi.
Eslatib o‘tamiz, Yamal Yevro-2024 guruh bosqichining uchta o‘yinida ham ishtirok etdi. Xorvatiya bilan 1-tur o‘yinida (3:0) vinger golli uzatmani amalga oshirdi.
Izoh (0)