Ukraina urushni tugatish uchun “aniq va batafsil” rejani tayyorlamoqda, reja shu yil tayyor bo‘ladi.
Bu haqda Ukraina prezidenti Vladimir Zelenskiy Kiyevda Sloveniya prezidenti Natasha Pirk Musar bilan o‘tkazgan qo‘shma matbuot anjumanida ma’lum qildi.
“Ukraina tanlagan diplomatik yo‘l bizning tashabbusimiz, chunki biz bu urushda jabrlangan tomonmiz. Tinchlik sammiti o‘tdi va hozir biz uchta reja ustida batafsil ishlayapmiz: energetika, oziq-ovqat xavfsizligi va asirlar almashinuvi bo‘yicha. Ishonchim komilki, biz buni hal qilamiz. Hech bo‘lmaganda, biz batafsil rejani tayyorlaymiz va barcha hamkorlarimizga taqdim qilamiz”, — dedi Zelenskiy.
Shu bilan birga, Zelenskiy Ukraina dronlar, radioelektron vositalar va artilleriya ishlab chiqarishni oshirayotganini aytdi.
“Chunki biz jang maydonida kuchli bo‘lishimiz kerak...Bu ikkitasi parallel narsa: jang maydonida kuchli bo‘lish va aniq reja, batafsil reja ishlab chiqish...” — dedi u.
Izoh (0)