Janubiy Koreya prezidenti Yun Sok Yol Shavkat Mirziyoyev taklifiga binoan 13-iyun kuni rafiqasi bilan birga O‘zbekistonga kelgandi. 14-iyun kuni Ko‘ksaroy qarorgohida rasmiy kutib olish marosimi bo‘lib o‘tdi.
Prezident matbuot xizmatining xabar qilishicha, qarorgoh oldidagi maydonda ikki davlat bayroqlari ko‘tarildi va faxriy qorovul saf tortdi. Shavkat Mirziyoyev oliy martabali mehmonni samimiy qarshi oldi va shohsupaga taklif qildi. Davlat madhiyalari yangradi.
Harbiy orkestr sadolari ostida yetakchilar faxriy qorovul safi oldidan o‘tdilar hamda rasmiy delegatsiyalar a’zolarini bir-birlariga tanishtirdi. Birgalikda suratga tushilgandan so‘ng tor doiradagi muzokaralar boshlandi.
Rasmiy kutib olish marosimidan lavhalar
-bn1Hmh1M.jpg)
-k98i5Vrv.jpg)
-ojVnySpv.jpg)
Yun Sok Yol O‘zbekistonda 13—15-iyun kunlari bo‘ladi. Tashrif dasturiga muvofiq, Toshkent shahrida bo‘lib o‘tadigan oliy darajadagi muzokaralarda O‘zbekiston—Koreya do‘stlik va alohida strategik sheriklik munosabatlarini yanada rivojlantirishning dolzarb masalalari ko‘rib chiqiladi.
Savdo, innovatsiyalar va texnologiyalar almashinuvi, energetika, elektronika va elektrotexnika, kimyo sanoati, qishloq xo‘jaligi, infratuzilmaviy rivojlanish va boshqa ustuvor yo‘nalishlarda amaliy hamkorlikni kengaytirish masalalari eʼtibor markazida bo‘ladi. Taʼlim, sog‘liqni saqlash, madaniyat, sport va turizm sohalaridagi qo‘shma dasturlar muhokama qilinadi.
Shuningdek, mintaqaviy, shu jumladan, “Markaziy Osiyo—Koreya Respublikasi” formatidagi hamkorlik yuzasidan ham fikr almashish rejalashtirilgan.
Izoh (0)