Жанубий Корея президенти Юн Сок Ёл Шавкат Мирзиёев таклифига биноан 13 июнь куни рафиқаси билан бирга Ўзбекистонга келганди. 14 июнь куни Кўксарой қароргоҳида расмий кутиб олиш маросими бўлиб ўтди.
Президент матбуот хизматининг хабар қилишича, қароргоҳ олдидаги майдонда икки давлат байроқлари кўтарилди ва фахрий қоровул саф тортди. Шавкат Мирзиёев олий мартабали меҳмонни самимий қарши олди ва шоҳсупага таклиф қилди. Давлат мадҳиялари янгради.
Ҳарбий оркестр садолари остида етакчилар фахрий қоровул сафи олдидан ўтдилар ҳамда расмий делегациялар аъзоларини бир-бирларига таништирди. Биргаликда суратга тушилгандан сўнг тор доирадаги музокаралар бошланди.
Расмий кутиб олиш маросимидан лавҳалар
-bn1Hmh1M.jpg)
-k98i5Vrv.jpg)
-ojVnySpv.jpg)
Юн Сок Ёл Ўзбекистонда 13—15 июнь кунлари бўлади. Ташриф дастурига мувофиқ, Тошкент шаҳрида бўлиб ўтадиган олий даражадаги музокараларда Ўзбекистон—Корея дўстлик ва алоҳида стратегик шериклик муносабатларини янада ривожлантиришнинг долзарб масалалари кўриб чиқилади.
Савдо, инновациялар ва технологиялар алмашинуви, энергетика, электроника ва электротехника, кимё саноати, қишлоқ хўжалиги, инфратузилмавий ривожланиш ва бошқа устувор йўналишларда амалий ҳамкорликни кенгайтириш масалалари эътибор марказида бўлади. Таълим, соғлиқни сақлаш, маданият, спорт ва туризм соҳаларидаги қўшма дастурлар муҳокама қилинади.
Шунингдек, минтақавий, шу жумладан, “Марказий Осиё—Корея Республикаси” форматидаги ҳамкорлик юзасидан ҳам фикр алмашиш режалаштирилган.
Изоҳ (0)