Koreya Respublikasi prezidenti Yun Sok Yol bosh vazir Abdulla Aripov hamrohligida Toshkent shahridagi U-Enter innovatsion tadbirkorlik markazi faoliyati bilan ham tanishdi. Bu haqda Bosh vazir matbuot xizmati xabar berdi.
Maʼlum qilinishicha, O‘zbekiston—Koreya Innovatsion kelajak yoshlari bilan suhbatda O‘zbekiston tomoni Koreya Respublikasini muhim hamkor, ishonchli do‘st hamda strategik sherik sifatida eʼtirof etishini, Oliy darajadagi yaqin va ishonchli muloqot mamlakatlar o‘rtasidagi munosabatlarni izchil rivojlantirish uchun mustahkam poydevor bo‘lib xizmat qilayotganini taʼkidladi.
Koreya xalqaro hamkorlik agentligi va Koreya axborot-kommunikatsiya texnologiyalarini rivojlantirish agentligining qo‘llab-quvvatlovi bilan tashkil etilgan U-Enter Innovatsion tadbirkorlik markazi Janubiy Koreyaning ilg‘or tajribasi asosida o‘zbekistonlik yosh tadbirkorlarga o‘z biznes loyihalarini amalga oshirishlari uchun har tomonlama ko‘mak berishga mo‘ljallangan.
Koreya prezidenti markazning faxriy mehmonlar kitobiga o‘zining samimiy dil so‘zlarini yozib qoldirdi.
Izoh (0)