Amerikalik qo‘shiqchi, kompozitor Ed Shiran qariyb 10 yildan beri telefonidan foydalanmasligini tan oldi. Bu haqda yulduz “Therapuss with Jake Shane” podkastida aytib o‘tdi.
Suhbat nihoyasiga yetganda Sheyn qo‘shiqchidan bog‘lanish uchun o‘z raqamini qoldirishini so‘radi, ammo Ed unga faqat elektron pochta orqali yozishi mumkinligini aytdi.
“Menda 2015-yildan beri telefon raqamim yo‘q, faqat elektron pochta manzilimni bera olaman. Yo‘q, bu hazil emas”, — dedi xonanda.
“Kuni kecha Boston Celtics basketbol o‘yiniga ketayotganimni matchni suratga olishim uchun telefon berishdi, so‘ng gadjetdan qaytib foydalanmadim”, — deya qo‘shimcha qildi u va nima uchun smartfondan foydalanishdan voz kechganini tushuntirdi:
“Menda 15 yoshimdan beri bir xil raqamdan foydalanar edi. Mashhurlikka erishgach, telefonimdagi o‘n mingga yaqin do‘stlar va men tanimaydigan odamlar yuzlab xabarlar qoldira boshladi. Ular bilan muloqot qilish juda ko‘p vaqtimni olar edi. Men esa suhbatdoshlarimni e’tiborsiz qoldirishni istamas edim. Axir, yozishmalarga javob bermasangiz, bu hurmatsizlik bo‘ladi”, — deydi Shiran.
“Smartfon tufayli real hayot bilan aloqani uzgandek bo‘ldim va shuning uchun telefon tutmaslikka qaror qildim. Keyinroq iPad sotib olib, barcha yozishmalarimni elektron pochtaga o‘tkazdim. Endilikda haftada bir marta elektron pochtamni tekshirib turaman va o‘z vaqtimni nazorat qilaman”, — deya qo‘shimcha qildi xonanda.
Ed Shiran ijtimoiy tarmoqlarga qaram emas va bo‘sh vaqtini kuy bastalashga ajratadi.
Izoh (0)