Америкалик қўшиқчи, композитор Эд Ширан қарийб 10 йилдан бери телефонидан фойдаланмаслигини тан олди. Бу ҳақда юлдуз “Therapuss with Jake Shane” подкастида айтиб ўтди.
Суҳбат ниҳоясига етганда Шейн қўшиқчидан боғланиш учун ўз рақамини қолдиришини сўради, аммо Эд унга фақат электрон почта орқали ёзиши мумкинлигини айтди.
“Менда 2015 йилдан бери телефон рақамим йўқ, фақат электрон почта манзилимни бера оламан. Йўқ, бу ҳазил эмас”, — деди хонанда.
“Куни кеча Boston Celtics баскетбол ўйинига кетаётганимни матчни суратга олишим учун телефон беришди, сўнг гаджетдан қайтиб фойдаланмадим”, — дея қўшимча қилди у ва нима учун смартфондан фойдаланишдан воз кечганини тушунтирди:
“Менда 15 ёшимдан бери бир хил рақамдан фойдаланар эди. Машҳурликка эришгач, телефонимдаги ўн мингга яқин дўстлар ва мен танимайдиган одамлар юзлаб хабарлар қолдира бошлади. Улар билан мулоқот қилиш жуда кўп вақтимни олар эди. Мен эса суҳбатдошларимни эътиборсиз қолдиришни истамас эдим. Ахир, ёзишмаларга жавоб бермасангиз, бу ҳурматсизлик бўлади”, — дейди Ширан.
“Смартфон туфайли реал ҳаёт билан алоқани узгандек бўлдим ва шунинг учун телефон тутмасликка қарор қилдим. Кейинроқ iPad сотиб олиб, барча ёзишмаларимни электрон почтага ўтказдим. Эндиликда ҳафтада бир марта электрон почтамни текшириб тураман ва ўз вақтимни назорат қиламан”, — дея қўшимча қилди хонанда.
Эд Ширан ижтимоий тармоқларга қарам эмас ва бўш вақтини куй басталашга ажратади.
Изоҳ (0)