Shahzoda Uilyamning 42 yoshli rafiqasi kimyoterapiya taʼsirida yaqin orada omma oldida ko‘rinish bera olmaydi, deb yozadi Peopletalk.
Saraton bilan kurashish uning tashqi ko‘rinishiga o‘z taʼsirini ko‘rsatgan. Malika yaqinlari oldida o‘zini tutayotgan bo‘lsa-da, muolajalarning og‘ir asoratlarini boshdan kechirayotgani aytilmoqda.
Keyt Middlton nafaqat terisi va ilik suyagi zararlanishidan balki charchoq, ko‘ngil aynishi va soch to‘kilishidan ham aziyat chekmoqda. Turmush o‘rtog‘i farzandlariga qarab, Keytni imkon qadar qo‘llab-quvvatlashga urinmoqda.
Shahzoda saraton kasalligiga chalingan otasi qirol Charlz III ga ham o‘z navbatida g‘amxo‘rlik qilmoqda.
Eslatib o‘tamiz, Keyt Middlton 2023-yil dekabr oyidan buyon omma oldida ko‘rinish bermagan, u yanvar oyida qorin bo‘shlig‘ida jarrohlik amaliyotini ham o‘tkazgan edi.
Izoh (0)