AQSHda “Uyda yolg‘iz” filmi suratga olingan, Makkalisterlar oilasi yashagan uy sotuvga qo‘yildi. Sotuv haqidagi e’lon Zillow nomli ko‘chmas mulk savdosi saytida e’lon qilindi.
Uyning umumiy maydoni 848 kvadrat metr, shiftlar balandligi 3,2 metr bo‘lgan ikki qavatli uy Chikago shimolidagi Unnetka rayonida joylashgan.
Ko‘chmas mulk ikkita mehmonxona, beshta yotoqxona va oltita hammomdan iborat. Uyning interyeri filmdagi xonadondan ancha yiroq, chunki uning egalari 2018-yilda uyni to‘liq zamonaviy ta’mirdan chiqargan.
Yerto‘la ham rekonstruksiya qilinib, unda sport zali, turli o‘yinlar uchun dam olish xonasi hamda kichik kinozal o‘rin oldi.
Uyning egalari mashhur film shukuhi saqlanib qolishi uchun undagi oshxona, mehmonxona va birinchi qavatdagi dam olish xonasi rejasini o‘zgarishsiz qoldirdi.
1921-yilda qurilgan mazkur xonadon 5,25 million dollarga sotilmoqda. Shu vaqtgacha uy to‘rt marotaba sotilgan.
Izoh (0)