АҚШда “Уйда ёлғиз” фильми суратга олинган, Маккалистерлар оиласи яшаган уй сотувга қўйилди. Сотув ҳақидаги эълон Zillow номли кўчмас мулк савдоси сайтида эълон қилинди.
Уйнинг умумий майдони 848 квадрат метр, шифтлар баландлиги 3,2 метр бўлган икки қаватли уй Чикаго шимолидаги Уннетка районида жойлашган.
Кўчмас мулк иккита меҳмонхона, бешта ётоқхона ва олтита ҳаммомдан иборат. Уйнинг интерьери фильмдаги хонадондан анча йироқ, чунки унинг эгалари 2018 йилда уйни тўлиқ замонавий таъмирдан чиқарган.
Ертўла ҳам реконструкция қилиниб, унда спорт зали, турли ўйинлар учун дам олиш хонаси ҳамда кичик кинозал ўрин олди.
Уйнинг эгалари машҳур фильм шукуҳи сақланиб қолиши учун ундаги ошхона, меҳмонхона ва биринчи қаватдаги дам олиш хонаси режасини ўзгаришсиз қолдирди.
1921 йилда қурилган мазкур хонадон 5,25 миллион долларга сотилмоқда. Шу вақтгача уй тўрт маротаба сотилган.
Изоҳ (0)