Rossiyaning Tyumen viloyatida 5 nafar o‘zbekistonlik avtohalokatga uchradi

Rossiya Federatsiyasining Tyumen viloyatida 25-may kuni 5 nafar O‘zbekiston fuqarolari YTHga uchragan. Bu haqda “Vslux” nashri xabar berdi.

Avtohalokat Aromashevo—Vagay yo‘lida yuz bergan. Holat haqida Tyumen viloyati yo‘l-patrul politsiyasi xabar bergan. 28 yoshli o‘zbekistonlik fuqaro boshqaruvida bo‘lgan Kia rusumli avtomobil tezlik oshirilishi natijasida trassadan chiqib ketib, ag‘darilgan.

Rasmiylarga ko‘ra, hodisa oqibatida 3 va 5 yoshli ikki bola, 30 va 32 yoshli yo‘lovchilar, shuningdek, haydovchining o‘zi ham jabrlangan. Ular Surgutdan Rossiya chegarasi tomon ketayotgan bo‘lgan.

Viloyat politsiyasi halokat yuzasidan tekshiruv davom etayotganini maʼlum qildi.