Eron hukumati 23-may kuni Afg‘onistonga 20 tonnalik gumanitar yordam yetkazib bergan. Bu haqda Etilaatroz nashri xabar berdi.
Gumanitar yuklarni qabul qilish marosimida Eronning Mozori Sharifdagi bosh konsuli Hamidrizo Ahmadiy ishtirok etgan. Eron rasmiysi yaqin haftalarda navbatdagi gumanitar yordam yuklari jo‘natilishini bildirgan.
Yordam yuklari Afg‘oniston shimolidagi Mozori Sharif xalqaro aeroportiga tushirilgan. Gumanitar jo‘natma chodirlar, issiq to‘shamalar, oziq-ovqat va dori-darmonni o‘z ichiga olishi aytilgan.
Ushbu dastur Tehron tomonidan Afg‘onistonga yuborilgan birinchi gumanitar yordamdir. Eron rasmiylari toshqindan jabrlangan fuqarolarni qo‘llab-quvvatlab, amaliy yordamlarni kuchaytirishni maʼlum qilgan.
Toshqin oqibatlari bilan kurashayotgan Afg‘onistonga hozirga qadar Qatar, Turkiya va O‘zbekiston yordam jo‘natgan. Jo‘natmalar asosan mamlakat shimolida, Balx viloyatida qabul qilingan.
Izoh (0)