Madridning “Real” klubi bosh murabbiyi Karlo Anchelotti “qirollik” klubi darvozaboni Tibo Kurtua va Andrey Lunin bilan Chempionlar Ligasi final uchrashuvi haqida suhbatlashdi.
So‘nggi paytlarda ispan OAVlarida Karlo Anchelotti Andrey Luninni Chempionlar Ligasi finalida ilk daqiqalardan maydonga tushirmaydi, chunki mutaxassis Tibo Kurtuaga ko‘proq ishonadi, degan fikr faol tarqala boshladi. “Real Madrid” belgiyalik futbolchining qobiliyatiga ishonchi komil va bunday muhim o‘yinda uning asosiy tarkibda ishtirok etishi zarur deb hisoblamoqda. Shu bois belgiyalik o‘yinni asosiy tarkibda boshlash imkoniyatini qo‘lga kiritishi kutilmoqda.
Ushbu ma’lumot tarqatilgandan so‘ng, ispan klubi bosh murabbiyi Karlo Anchelotti ikkala darvozabon Kurtua va Lunin bilan shaxsiy suhbatlar o‘tkazdi, deb xabar beradi DefensaCentral.
“Turli OAV ma’lumotlariga e’tibor bermang, men Chempionlar Ligasi finali uchun asosiy darvozabonni tanlaganimda, siz birinchi bo'lib bilib olasiz", — dedi Karlo Anchelotti.
Eslatib o‘tamiz, “Real” va Dortmundning “Borussiya” klublari o‘rtasidagi Chempionlar Ligasi final uchrashuvi 1-iyun kuni bo‘lib o‘tadi.
Izoh (0)