Muddati o‘tmagan: qorayib qolgan bananni tashlab yuborishga shoshilmang

Ko‘pchilik banan tanlayotganda birorta dog‘i bo‘lmasligiga e’tibor qaratadi. Ammo bu qanchalik to‘g‘ri?

Me’yordan ortiq pishib ketgan banan tarkibi shakarga boy ekanligi ma’lum, ammo uning biz bilmagan foydali tomoni ham mavjud. To‘liq pishgan banan antioksidantlar manbayidir. Ular immunitetni mustahkamlash uchun eng foydali modda hisoblanadi. Qoraygan banan iste’mol qilish tananing infeksiyalarga chidamliligini oshirishga yordam beradi va hatto saraton kasalligining oldini oladi.

Bundan tashqari, yetilib pishgan banan qondagi xolesterin darajasini pasaytiradi. U ovqat hazm qilish uchun ham foydali bo‘lib, jig‘ildon qaynashidan xalos etadi.

Banan tarkibida magniy miqdori u pishgani sari ortib boraveradi. Shu sababli ushbu meva yuqori qon bosimidan aziyat chekadiganlar uchun juda foydalidir. Yaxshi pishgan banan qon bosimini tushirishga yordam beradi, yurak kasalliklarida bemorni tinchlantiradi, depressiya, ovqat hazm qilish tizimi va ichak faoliyatiga ijobiy ta’sir etadi.

Shunday qilib, jigarrang dog‘lari bor banan sariq yoki yashil ranglisiga qaraganda foydaliroqdir.