Meva va rezavorlar doimo foydali ovqatlanish tartibining ajralmas qismi deya tan olib kelingan. Ularning tarkibida ichak peristaltikasini yaxshilaydigan, uglevodlar va yog‘larning so‘rilishini sekinlashtiradigan, shuningdek, o‘n ikki barmoq ichak mikroflorasini yaxshilaydigan vitaminlar va o‘simlik tolasi mavjud. Mevalar past kaloriyaga ega bo‘lib, antioksidantlar va mikroelementlarga boy.
Biroq meva va rezavorlarning asosiy tarkibida tabiiy shakar — saxaroza, glyukoza va fruktoza mavjudligini unutmaslik lozim. Juda ko‘p miqdorda mevalar yeyish metabolik kasalliklarga olib kelishi mumkin. Aynan qaysi mevalarni har kuni iste’mol qilish zarar beradi? Quyida shu haqida so‘zlashamiz.
Banan
Yetilib pishgan banan shirinxo‘rlar uchun ajoyib tamaddi bo‘la oladi. Bananda kaliy, magniy, kremniy, C va B 6 vitaminlari mavjud. Ushbu meva qisqa vaqtda organizmga energiya beradi. Bir dona bananda taxminan 150 kkal mavjud.
Biroq ozish harakatida bo‘lganlar va qand kasalligiga chalinganlarga bananni har kuni yeyishi tavsiya etilmaydi, chunki bir dona meva tarkibida 5 osh qoshiq tabiiy shakar mavjud. Parhez tutayotganlar uchun biroz pishmagan banan turi mos keladi.
Uzum
Qora uzum tarkibida flavonoidlar va antioksidantlar mavjud bo‘lib, ular yoshlik va umumiy salomatlikni saqlashga yordam beradi. Tadqiqotlarga ko‘ra, uzumdagi antioksidantlar bir qator surunkali kasalliklar va saraton rivojlanish xavfini oldini oladi. Uzumda glyukoza energiyani oshirishga, kayfiyatni ko‘tarishga va depressiyaning oldini olishga xizmat qiladi.
Uzum tarkibida boshqa mevalarga qaraganda (100 g uzumda 18 g shakar) ko‘proq shakar mavjud. Shuning uchun parhez tutayotgan shaxslarda har kuni uzum iste’mol qilishi ozishdan kutilayotgan natijani bermasligi mumkin.
Greypfrut
C vitamini va antioksidantlarga boy greypfrut ishtahani kamaytiradi, kaloriyasi past va pektinlarga boydir. Shuning uchun u ozishda ko‘p qo‘llaniladi.
Greypfrut xavfsiz meva hisoblansa-da, uning yuqori tarkibli konsentratsiyasi tufayli mevani har kuni iste’mol qilmaslik lozim. Ayniqsa, immunodepressantlar, statinlar, kalsiy kanallari blokatorlari yoki yurak-qon tomir kasalliklarini davolash uchun dori-darmonlarni qabul qiladigan bemorlarga greypfrut xavflidir. Chunki greypfrut dori vositalarining nojo‘ya ta’sirini oshirib yuborishi mumkin.
Limon
Ertalab limon sharbati qo‘shilgan suv ichish foydalidir, ammo uni oshqozon yarasi, enterit, gastrit, stomatit va oshqozon kislotaliligining oshishi kabi kasalliklarda ehtiyotkorlik bilan ichish lozim, chunki limon oshqozon shilliq devorini qattiq bezovta qiladigan mevadir.
Har kuni iste’mol qilingan limon tish emalini yemiradi. Shuning uchun limon sharbati yoki choydan so‘ng tishlaringizni yuving yoki og‘izni chayqang.
Quritilgan mevalar
Parhez tutayotganda shirinliklar o‘rniga quritilgan mevalar iste’mol qilish yaxshi yechim albatta, ammo ular ham shakar miqdori juda ko‘p mahsulotlardan hisoblanadi. Masalan, 100 gramm o‘rik qoqisida 51 gramm shakar mavjud. Shu tufayli parhez davomida har kuni quritilgan meva yeyish tavsiya etilmaydi.
Ituzum
Qora va to‘q qizil meva beruvchi ituzum butasi turli murabbo, jem, choylar tayyorlashda keng qo‘llaniladi. Ituzum barglari va bandida glikozid mavjud bo‘lib, sianid zaharli moddasini ishlab chiqarishda foydalaniladi. Ituzumni har kuni yeyish organizmni intoksikatsiyaga olib kelishi mumkin.
Tarvuz
Tarvuz 90 foiz suvdan iborat bo‘lib, juda kam kaloriyaga ega. Uni haddan ortiq iste’mol qilish diareyaga, kasallik esa organizm suvsizlanishiga olib keladi. Tarvuz buyrak va qand kasalliklari bilan og‘rigan bemorlarga mumkin emas.
Izoh (0)