“La la land”, “Barbi” filmlarida bosh rollarni gavdalantirgan aktyor Rayan Gosling Stiven Kolberning kechki shousida muxlislar bilan o‘z sirlarini baham ko‘rdi.
Intervyu davomida boshlovchi aktyor bilan yaqinroq tanishish va uning tabiatini tushunishga yordam beradigan mavzularga to‘xtalib o‘tishga qaror qildi. Keyinchalik Rayanning so‘zlariga ko‘ra, berilgan savollardan aktyor o‘zini xuddi “Matryoshka qo‘g‘irchog‘i qatlamlari” olib tashlangani kabi uning ham sirlari ochilib ketgandek his qilgan.
Rayan ishtirok etgan birinchi konsert uning amakisi Elvis Perri tomonidan sahnalashtirilgan Elvis Presliga taqlid konserti edi. Aktyor uni bolaligida ko‘rgan eng ajoyib shou deb hisoblaydi. Chunki shu kundan boshlab yosh Rayan ham aktyorlikka qiziqib qolgan.
Dunyodagi qaysi hayvon sizni qo‘rqitadi degan savolga Gosling “inson” deya javob berdi.
Boshlovchi Kolber aktyor ilk bor kimdan dastxat so‘raganini bilib oldi:
Men yoshligimda birinchi marta So‘nggi jangchi (The Ultimate Warrior)dan dastxat so‘raganman, ammo u meni rad etgan, — dedi Gosling.
So‘nggi jangchi — bu 80—90-yillarning oxirlarida Butunjahon kurash federatsiyasi (WWE) da mashhur bo‘lgan amerikalik kurashchi Jeyms Brayan Helvigning taxallusidir.
Ammo menga yo‘q demagan va ilk bor o‘z dastxatini bergan mashhur inson bu —Miss Anjela Bassett edi. Men 1993-yilda “Sevgi nimalarga qodir” (What’s Love Got to Do with It) filmi premyerasiga tushdim. Film oxirida kinoteatrda Bassetni ko‘rib, dastxat uchun uning oldiga bordim, — deya qo‘shimcha qildi u.
Shuningdek, Rayan Golsing kuchugining panjalari hidini yaxshi ko‘rishini tan oldi. Aktyorning aytishicha, itining panjalaridan popkorn isi keladi.
Izoh (0)