“Ла ла ланд”, “Барби” фильмларида бош ролларни гавдалантирган актёр Райан Гослинг Стивен Колбернинг кечки шоусида мухлислар билан ўз сирларини баҳам кўрди.
Интервью давомида бошловчи актёр билан яқинроқ танишиш ва унинг табиатини тушунишга ёрдам берадиган мавзуларга тўхталиб ўтишга қарор қилди. Кейинчалик Райаннинг сўзларига кўра, берилган саволлардан актёр ўзини худди “Матрёшка қўғирчоғи қатламлари” олиб ташлангани каби унинг ҳам сирлари очилиб кетгандек ҳис қилган.
Райан иштирок этган биринчи концерт унинг амакиси Элвис Перри томонидан саҳналаштирилган Элвис Преслига тақлид концерти эди. Актёр уни болалигида кўрган энг ажойиб шоу деб ҳисоблайди. Чунки шу кундан бошлаб ёш Райан ҳам актёрликка қизиқиб қолган.
Дунёдаги қайси ҳайвон сизни қўрқитади деган саволга Гослинг “инсон” дея жавоб берди.
Бошловчи Колбер актёр илк бор кимдан дастхат сўраганини билиб олди:
Мен ёшлигимда биринчи марта Сўнгги жангчи (The Ultimate Warrior)дан дастхат сўраганман, аммо у мени рад этган, — деди Гослинг.
Сўнгги жангчи — бу 80—90 йилларнинг охирларида Бутунжаҳон кураш федерацияси (WWЕ) да машҳур бўлган америкалик курашчи Жеймс Брайан Ҳелвигнинг тахаллусидир.
Аммо менга йўқ демаган ва илк бор ўз дастхатини берган машҳур инсон бу —Мисс Анжела Бассетт эди. Мен 1993 йилда “Севги нималарга қодир” (What’s Love Got to Do with It) фильми премьерасига тушдим. Фильм охирида кинотеатрда Бассетни кўриб, дастхат учун унинг олдига бордим, — дея қўшимча қилди у.
Шунингдек, Райан Голсинг кучугининг панжалари ҳидини яхши кўришини тан олди. Актёрнинг айтишича, итининг панжаларидан попкорн иси келади.
Изоҳ (0)