O‘zbekistonda aholi ko‘proq qaysi sohalarni o‘rganishga qiziqmoqda?

O‘zbekistonda aholi ko‘proq qaysi sohalarni o‘rganishga qiziqayotgani maʼlum qilindi. 

Xabarga ko‘ra, yanvar—aprel oylarida 49,9 ming nafar aholi mehnat bozorida talab yuqori bo‘lgan kasb-hunarlarni o‘rganish uchun Kambag‘allikni qisqartirish va bandlik vazirligi huzuridagi o‘quv markazlari, davlat va nodavlat taʼlim muassasalariga hamda ustoz-shogird anʼanasi asosida bepul o‘qishga jalb qilindi. Ularning: 

• 37,5 ming nafari – sanoat va xizmat ko‘rsatish;
• 5,8 ming nafari – qurilish; 
• 2,6 ming nafari – hunarmandchilik;
• 2 ming nafari – IT;
• 2 ming nafari – agrotexnologiyalar yo‘nalishlarida o‘qishga qiziqish bildirgan.

Joriy yilning birinchi choragida mamlakatdagi o‘rtacha oylik ish haqi o‘tgan yilning mos davriga qaraganda 815 ming so‘mga o‘sib, 4 million 919 ming so‘mni tashkil etdi. Statistika agentligi hisob-kitoblariga ko‘ra, 2024-yil yanvar–mart oylarida O‘zbekistondagi nominal hisoblangan o‘rtacha oylik ish haqi 4,9 million so‘mga yetdi. Respublikada 2023-yilning mos davrida bu raqam 4,1 million so‘mni tashkil etgan.