Литвада 12 май куни президентлик сайловлари бўлиб ўтмоқда, 2,5 миллионга яқин сайловчи келаси беш йил ичида мамлакатни ким бошқаришини ҳал қилади. Бу ҳақда Deutsche Welle хабар берди.
Сўровномага кўра, Литвани 2019 йилдан бери бошқариб келаётган 59 ёшли профессионал иқтисодчи Гитанас Науседанинг ғалаба қозониш эҳтимоли юқори. Унга қарши яна етти нафар номзод рақобатлашмоқда:
- консерваторлар томонидан кўрсатилган бош вазир Ингрида Шимоните;
- Озодлик партияси вакили Дайнюс Жалимас;
- номзодини шахсан илгари сурган Игнас Вегеле, Эдуардас Ваитку;
- “Неман шафақи” партияси асосчиси Ремигиюс Жемайтайтис Гедримас Еглинскас;
- “Литва учун” Демократлар иттифоқи томонидан кўрсатилган Меҳнат партияси раиси Андрюс Мазуронис.
Сайлов участкалари Тошкент вақти билан соат 22:00 да ёпилади, биринчи натижалар 13 майга ўтар кечаси эълон қилиниши кутилмоқда. Номзодлардан ҳеч бири мутлақ кўпчилик овозга эга бўлмаса, 26 май куни Литвада сайловнинг иккинчи босқичи бўлиб ўтади, унда юқори овоз олган икки номзод қатнашади. Айни пайтда мамлакатда икки фуқароликни жорий этиш бўйича референдум ўтказилмоқда.
Украинадаги уруш фонида сайловлар
Сайлов кампанияси Украинадаги уруш ва унинг Литва миллий хавфсизлиги учун оқибатлари, шунингдек, ижтимоий-сиёсий мавзуларга қаратилди. Литвада президент Германия раҳбаридан фарқли ўлароқ, ташқи ва мудофаа сиёсати соҳасида кенг ваколатларга эга.
Литва Европа Иттифоқи ва НАТО аъзоси бўлиб, Россиянинг Калининград вилоятидаги эксклав ва Беларусь билан чегарадош. Келгуси йилларда Литва НАТОнинг эҳтимолий ҳарбий амалиётлари учун муҳим базага айланади.
Европадаги хавфсизкка эҳтимолий таҳдидлар ва Россиянинг ҳаракатлари фонида Германия Литва ҳудудига беш минггача аскардан иборат Бундесвер бригадасини жойлаштиришга ваъда берган.
Изоҳ (0)