“Borussiya”ni tark etayotgan Marko Roys faoliyatini MLSda davom ettirishi mumkin

Dortmundning “Borussiya” klubi yarim himoyachisi Marko Roys faoliyatini MLS klublaridan birida davom ettirish niyatida, deb xabar bermoqda mashhur jurnalist va insayder Fabritsio Romano “Manchester Siti”ning sobiq yarim himoyachisi Samir Nasrining so‘zlariga tayanib.

Eslatib o‘tamiz, 34 yoshli Roys yozda “Borussiya”ni erkin agent sifatida tark etishi ma’lum bo‘lgan edi. Roys 2012-yildan beri “Borussiya”da o‘ynab kelmoqda. Joriy mavsumda tajribali futbolchi barcha musobaqalarda 39 ta o‘yin o‘tkazib, 8 ta gol urdi va 9 ta golli uzatmani amalga oshirdi.

Nufuzli Transfermarkt internet portalida berilgan ma’lumotlarga ko‘ra, futbolchining bozor qiymati 7 million yevroni tashkil etadi, Roys Dortmund klubi bilan birgalikda ikki marta Germaniya kubogini va uch marta mamlakat Superkubogini qo‘lga kiritgan.