Iyun oyi oxirigacha Yevropa Ittifoqi kengashiga raislik qiluvchi Belgiya Isroilga qarshi savdo sanksiyalarini taklif qildi.
Bu haqda Belgiya bosh vaziri Aleksandr De Kro Le Soir gazetasiga bergan intervyusida ma’lum qildi.
“Belgiya hukumati bir necha hafta oldin Isroilga qarshi savdo sanksiyalarini joriy etish zarurligi haqida qaror qabul qildi. Biroq Belgiyaning o‘zi bu sanksiyalarni joriy etsa, savdo marshrutlari o‘zgarib ketadi. Shuning uchun biz bir necha hafta davomida boshqa Yevropa davlatlari bilan bu muammoni qanday hal qilishimiz mumkinligini muhokama qildik”, — dedi u.
De Kroning so‘zlariga ko‘ra, Isroilning Yevropa Ittifoqi bilan tuzilgan shartnomadagi inson huquqlari bo‘yicha bandga rioya qilmagani sanksiyalar uchun sabab sifatida ko‘rsatilishi mumkin.
Uning so‘zlariga ko‘ra, Belgiya Yevropa Ittifoqining tashqi siyosat bo‘yicha rahbari Jozep Borreldan “bu masalani o‘rganishni” so‘radi.
Izoh (0)