Qo‘qon shahrida avtomobil boshqaruvidagi 11-sinf o‘quvchisi odam urib yubordi. Holat yuzasidan Farg‘ona ichki ishlar boshqarmasi axborot xizmati ma’lumot berdi.
Hodisa 25-aprel kuni U.Nosir ko‘chasida yuz bergan. Q.A. (2006-yilda tug‘ilgan) piyodalar o‘tish joyidan o‘tayotgan B.M.ni (2000-yilda tug‘ilgan) o‘zining Matiz rusumli avtomashinasida urib yuborgan. Haydovchi piyodaga birinchi yordam ko‘rsatib, shifoxonaga olib borgan.
Hozirda jabrlanuvchining olgan tan jarohatining og‘irlik darajasini aniqlash maqsadida sud tibbiy ekspertizasi tayinlangan, tergovga qadar tekshiruv harakatlari olib borilmoqda.
Ichki ishlar organlari xodimi jabrlanuvchini kasalxonadan chiqarib yuborishga uringani yuzasidan o‘rganish ishlari olib borilmoqda. Yakuniga ko‘ra, huquqiy baho beriladi.
Izoh (0)