18-19-mayda “Humo Arena”da 10 nafar yetakchi mahalliy va xorijiy sotuvlar bo‘yicha ekspertlar chiqish qiladilar va sotuvlarni oshirishning amaliy vositalari bilan o‘rtoqlashadilar.
Forum doirasida 50 ta yetakchi brendlar ishtirokida birinchi “Yil brendi 2023” ko‘rgazmasi va 25 ta nominatsiyada iste’molchilar hamda ekspertlar hay’ati tanloviga ko‘ra “Yil brendi” mukofoti bilan taqdirlash marosimi o‘tkaziladi. Bu yil forumning bosh hamkori mamlakat banklari o‘rtasida eng yirik xususiy bank va faollik bo‘yicha yetakchi bo‘lmish “Kapitalbank” bo‘ldi.
“Forumning noyobligi shundaki, u mamlakatimizda sotuvchi kasbiga bag‘ishlangan ilk forum bo‘ladi. Biz zamonaviy sotuvchi maqomi va imkoniyatlariga uning faoliyatining qimmati va har qanday biznesdagi ahamiyati nuqtai nazaridan kompleks yondashdik. Forum bozorimizda tovarlar va xizmatlar taklif etuvchilar uchun kuchli motivatsiya beradi, — deydi O‘zbekiston marketing uyushmasi raisi, forum tashkilotchisi Diyor Mirzaahmedov. — Forumning asosiy vazifasi – qo‘llanilayotgan vositalarni “puxtalash” va zamonaviy sotuvlarning yangi imkoniyatlaridan xabardor bo‘lish uchun eng faol mutaxassislarni jamlash”.
“Biz uchun marketing va sotuvlar bo‘yicha mutaxassislar hamjamiyatini rivojlantirishni qo‘llab-quvvatlash, tajriba va eng yaxshi amaliyotlar bilan o‘rtoqlashish muhim,- deydi “Kapitalbank” boshqaruvi raisining birinchi o‘rinbosari Sardor Ismoilov. – Mamlakatdagi eng yirik moliyaviy institutlardan biri sifatida bizning vazifamiz – bankka mijozlar jalb qilish va mahsulotlarimiz haqidagi axborotni yetkazish bilan kifoyalanib qolmay, moliyaviy savodxonalik asoslarini, biznes yuritishni, byudjetni rejalashtirishni va boshqalarni o‘rgatish hamdir. Aminmanki, O‘zbekiston marketing va sotuvlar sohasidagi eng muhim voqealardan biriga aylanishga ulgurgan forum bu yil ham biz va bozordagi hamkasblarimizga yangi g‘oyalar manbasi bo‘ladi”.
Forum spikerlari sotuvlar bo‘yicha eng mashhur mahalliy ekspertlar va to‘rt nafar rossiyalik trener bo‘lib, ular forum doirasida chiqish qilishdan tashqari, sotuvlar bo‘limlarining rahbarlari uchun noyob mahorat saboqlari ham o‘tadilar.
Murod Nazarov, Murad Buildings, Nest One va NRG asoschisi. Development sohasida 20 yillik tajribaga ega muvaffaqiyatli tadbirkor. Uning rahbarligi ostida kompaniyalar jami maydoni 575 000 kv metr bo‘lgan noyob ko‘chmas mulk obyektlarini muvaffaqiyatli topshirdilar. Murod Nazarov shaxsiy brend sotuvlarga qanday yordam berishi haqida so‘zlab beradi.
Anvar Abduqayum, “Toy bola” o‘yinchoqlar brendi asoschisi. Sotuvlarda 20 yildan ortiq tajribaga ega. Ijtimoiy tarmoqlardagi obunachilari – million atrofida. Anvar Abduqayumning chiqishi ishontirish san'ati va muvaffaqiyatli sotuvlarda uning ahamiyatiga bag‘ishlanadi.
Ibrohim G‘ulomov, Perfect Consulting Group asoschisi. Tizimlashtirish sohasida 10 yildan ortiq tajribaga ega ekspert. Ibrohim 150 dan ziyod tarmoqlardagi taqriban 6000 nafar tadbirkorni “Sof foydani oshirish”, “Tizimlashtirish va personalni samarali boshqarish”, “Hayotiy strategiya” mualliflik dasturlari bo‘yicha o‘qitdi. Ibrohim mijoz e’tirozlari bilan qanday ishlash mumkinligi haqida chiqish qiladi.
Akmal Nasridinov, Marketbridge agentligi va Retail Club biznes-klubi asoschisi. Sotuvlar sohasida 1994-yildan beri ishlaydi. 2012-yildan boshlab O‘zbekistonda sotuvlarni boshqarish bo‘yicha treninglar o‘tkazadi va mijozlarga sotuvlarni tizimlashtirish va samarali sotuvlar bo‘limlarini tashkil etishda yordam beradi. Akmal real keyslar asosida sotuvlar sirlari haqida so‘z yuritadi.
Diyor Mirzaahmedov, O‘zbekiston marketing uyushmasi va “Siymo” reklama agentligi asoschisi. Marketing va reklamada 28 yillik tajribaga ega. Mijoz servisining noyob uslubiyoti asoschisi, har yilgi keng ko‘lamli forumlar: MAKON biznes-forumi, TAF! Toshkent reklama festivali, “Yil brendi” mukofoti tashkilotchisi.
Abduhamid Abduvahobov, 8 ta brendni birlashtirgan va 45 turdagi, beshta mamlakatda sotiladigan turfa xil mahsulot ishlab chiqaradigan Numa family xoldingi asoschisi. 2012-yildan buyon BFQ, tibbiy texnika va kosmetika savdosi bilan shug‘ullanuvchi kompaniyalarda ishlagan. Abduhamid sotuvlar psixologiyasini tushunishning ahamiyati haqida so‘z yuritadi.
Vitaliy Golitsin, sotuvlar va mahsuldorlik bo‘yicha rossiyalik biznes-trener. Sotuvlar bo‘yicha 25 yillik va trening sohasida 15 yillik tajriba. Dunyoning 17 ta mamlakatida, 100 ta shahrida 1000 dan ortiq trening o‘tkazgan. Rossiyada sotuvlar bo‘yicha YouTube kanallar top-3 muallifi. Vitaliy ishtirokchilarni 100 foizli bitim formulasi bilan tanishtiradi.
Vladimir Marinovich, biznes va samarali jamoalarni tizimli rivojlantirish bo‘yicha ekspert. Milliardlarga baholangan loyihalarni amalga oshirgan jamoalar asoschisi. 30 yildan buyon biznes va sotuvlar sohasida. 2014-yilda VVeRX biznes-maktabiga asos soldi, unda har yili 450-700 nafar tadbirkor amaliy bilimga ega bo‘ladi. Vladimir netvorking katta cheklarga sotishda qanday yordam berishi haqida so‘zlaydi.
Vladimir Yakuba, Rossiyada eng mashhur realiti biznes-trener. Yetakchilik, sotuvlar va jamoa bilan ishlash bo‘yicha mutaxassis. Vladimir 19 mamlakatning 143 ta shahrida o‘quv mashg‘ulotlari o‘tkazgan. 14 ta kitob muallifi. To‘rt marta yil natijalariga ko‘ra o‘z sohasida eng yaxshi deb topilgan (2014-2020-yy.). Instagram’da 9 mln va Youtube’da 1,5 mln video ko‘rilishiga ega. Vladimir yangi voqelikdagi sotuvlar haqida so‘z yuritadi
Vladislav Bermuda, 12 ta mamlakatda 300 dan ziyod chiqishlar qilgan xalqaro spiker. Krossmarketing bo‘yicha Rossiyadagi yetakchi ekspert (300+ keys). “Nostandart biznes-tafakkur, kollaboratsiya va resurs monetizatsiyasi” onlayn-maktabining asoschisi – 8 ta mamlakatda 120 talaba. Vladislav sotuvlardagi kreativ yechimlarga oid g‘oyalar bilan o‘rtoqlashadi.
Spikerlar va dasturlar haqidagi barcha axborotni forum saytidan olish mumkin.
Forum bilan parallel ravishda 18-19-mayda birinchi “Yil brendi” ko‘rgazmasi o‘tkaziladi. Ko‘rgazmaning barcha mehmonlari ishtirokchilarning maxsus takliflari bilan tanishish, yutuqli o‘yinlarda qatnashish va sovg‘alarga ega bo‘lish imkoni bo‘ladi. Ko‘rgazmaga kirish – bepul.
Forum bosh hamkori – “Kapitalbank” O‘zbekistondagi yirik tijorat banki bo‘lib, “Uzum” milliy raqamli servislar ekotizimi tarkibiga kiradi. 23 yillik muvaffaqiyatli faoliyati davomida bank mamlakatning 1,9 mln aholisi va 65 ming tadbirkori uchun ishonchli moliyaviy hamkor o‘laroq o‘zini taqdim etdi.
2023-yil yakunlariga ko‘ra “Kapitalbank”ning o‘z kapitali rentabelligi 50,8 foizni tashkil qildi. O‘tgan yilda “Kapitalbank” O‘zbekistonning eng yaxshi chakana banki sifatida ko‘p sonli xalqaro va milliy sovrinlarga sazovor bo‘ldi. Reyting agentliklari bank faoliyatining ko‘rsatkichlari barqaror o‘sishini qayd etmoqda.
Izoh (0)