Eʼtibor qarating, Samarqand viloyati prokuraturasi 445 mln so‘mga 22 dona iPhone 14 Pro Max smartfonlarini xarid qilibdi. Respublika maʼnaviyat targ‘ibot markazi Toshkent viloyati bo‘limi 51 mln so‘mga ikkita iPhone 15 Pro Max sotib olgan.
Yana bir qator davlat tashkilotlari, xususan, Qashqadaryo viloyati Dehqonobod tumani tibbiyot birlashmasi – iPhone 14 Pro Max, 14,4 mln. so‘mga, Qashqadaryo viloyati ko‘z kasalliklari shifoxonasi – 24,7 mln so‘mga ikkita Galaxy S23 Ultra smartfoni, O‘zbekiston Milliy axborot agentligi (O‘zA) – 5 ta iPhone 14 Pro 69,7 mln so‘mga, Kinematografiya agentligi – 10 mln. so‘mga bitta Galaxy S22 Ultra, 19,8 mln so‘mga ikkita Galaxy S22 Ultra va 15,8 mln so‘mga bitta iPhone 15 Pro, Ingichka tolali paxtachilik ilmiy-tadqiqot instituti (Surxondaryo) – 30,66 mln so‘mga ikkita iPhone 15 Pro Max xarid qilganini nima bilan izohlash mumkin.
Avvalroq bir qator tashkilotlar qimmatbaho avtomobillar xarid qilib, bunga byudjet mablag‘ini sarf qilgani haqida xabarlar tarqalgan edi. Endi bo‘lsa, baʼzi davlat tashkilotlari davlat hisobidan qimmatbaho mobil telefonlari xarid qilishayotgani haqida ijtimoiy tarmoqlarda xabarlar tarqaldi.
Izoh (0)