Joriy yilning 20-aprel kuni Toshkent shahar hokimligida Xitoy Xalq Respublikasining Yupont Group Ltd. kompaniyasi bilan uchrashuv bo‘lib o‘tdi.
Uchrashuvda Toshkent shahar hokimi Shavkat Umurzoqov, hokimning investitsiyalar va tashqi savdo masalalari bo‘yicha o‘rinbosari Sharof Raxmonov, “Toshkent invest kompaniyasi” AJning strategik masalalar bo‘yicha direktori Rustam Qodirov va boshqa mutasaddilar ishtirok etdi.
Tadbir davomida tomonlar Toshkent shahrida yashil energetikani rivojlantirish masalalarini batafsil muhokama qilib, Yupont Group Ltd. tomonidan Toshkent shahridagi yirik sanoat korxonalariga umumiy quvvati 100 MVt ga teng quyosh panellari o‘rnatish orqali ularni yashil energiyaga o‘tkazish borasida uch tomonlama hamkorlik memorandumi imzolandi.
Izoh (0)