Samarqandda so‘nggi uch oy ichida 24 ming nafar chaqaloq tug‘ildi

Samarqand viloyatida joriy yilning birinchi choragida jami 24 ming nafardan oshiq chaqaloq tug‘ilgan.

Bu haqda Samarqand viloyat adliya boshqarmasi boshlig‘i Salohiddin Sattorov ma’lum qildi.

Samarqanddagi fuqarolik holati dalolatnomalarini yozish bo‘limlarida 12513 nafar o‘g‘il, 11503 nafar qiz tug‘ilgani qayd etilgan.

Eng ko‘p tug‘ilish Samarqand (7978 nafar) shahri va Urgut (2820 nafar ) tumaniga, eng kami Nurobod (453 nafar) va Toyloq (517 nafar) tumanlariga to‘g‘ri kelgan.

Ushbu davrda viloyat bo‘yicha 5188 ta nikoh rasmiylashtirilgan. Bu nikohlarning 60 tasi chet el fuqarolari bilan tuzilgan. Nikohlar Urgut tumani (846 ta), Samarqand shahri (572 ta) va Past Darg‘om (505 ta) tumanida eng ko‘p, Kattaqo‘rg‘on shahri (112 ta) va Qo‘shrabot tumanida (113 ta) eng kam qayd etilgan.

Shuningdek, 1135 ta nikohdan ajralganlik haqidagi dalolatnoma yozuvlari rasmiylashtirilgan.  

O‘tgan yilning mos davri bilan qiyoslaganda tug‘ilish 1214 nafarga, nikoh 107 taga, ajrim esa 8 taga kamaygan.