Qatar Airways kompaniyasi Eron shaharlariga aviaqatnovlarni qayta tiklaganini maʼlum qildi. Bu haqda Al Jazeera nashri xabar berdi.
Manbada aytilishicha, Fors ko‘rfazi aviakompaniyasi Eronga qatnovlarni rejali asosda qayta tashkil etgan. Endilikda kompaniyaning havo kemalari Eronning to‘rtta shahri: Tehron, Mashhad, Sheroz va Isfahonga parvozlarni amalga oshiradi. Haftalik reyslar soni 20 ta etib belgilangan.
Kompaniyaning Eronga qatnovlari o‘tgan hafta so‘ngida yuz bergan Eron va Isroil qarama-qarshiligi tufayli to‘xtab qolgan edi. Rasmiylar yo‘lovchilarning xavfsizligi yuzasidan reyslarni vaqtincha bekor qilgan.
“Qatar Airways kompaniyasi aeroportlar va havo hududi qayta ochilishi munosabati bilan Eronga rejali qatnovlar qayta boshlanganini maʼlum qiladi. Yangi jadval Tehron, Mashhad, Sheroz va Isfahonga haftalik 20 ta reysni o‘z ichiga oladi. Qatar Airways mijozlari qatarairways.com veb-saytida parvozlarini bron qilishlari yoki yordam olish uchun +974 4144 5555 raqamiga qo‘ng‘iroq qilishlari mumkin. Yo‘lovchilarimizning xavfsizligi va osoyishtaligi bizning ustuvor vazifamiz bo‘lib qoladi”, — deyilgan kompaniya rasmiy bayonotida
Izoh (0)