Qatar Airways компанияси Эрон шаҳарларига авиақатновларни қайта тиклаганини маълум қилди. Бу ҳақда Al Jazeera нашри хабар берди.
Манбада айтилишича, Форс кўрфази авиакомпанияси Эронга қатновларни режали асосда қайта ташкил этган. Эндиликда компаниянинг ҳаво кемалари Эроннинг тўртта шаҳри: Теҳрон, Машҳад, Шероз ва Исфаҳонга парвозларни амалга оширади. Ҳафталик рейслар сони 20 та этиб белгиланган.
Компаниянинг Эронга қатновлари ўтган ҳафта сўнгида юз берган Эрон ва Исроил қарама-қаршилиги туфайли тўхтаб қолган эди. Расмийлар йўловчиларнинг хавфсизлиги юзасидан рейсларни вақтинча бекор қилган.
“Qatar Airways компанияси аэропортлар ва ҳаво ҳудуди қайта очилиши муносабати билан Эронга режали қатновлар қайта бошланганини маълум қилади. Янги жадвал Теҳрон, Машҳад, Шероз ва Исфаҳонга ҳафталик 20 та рейсни ўз ичига олади. Qatar Airways мижозлари qatarairways.com веб-сайтида парвозларини брон қилишлари ёки ёрдам олиш учун +974 4144 5555 рақамига қўнғироқ қилишлари мумкин. Йўловчиларимизнинг хавфсизлиги ва осойишталиги бизнинг устувор вазифамиз бўлиб қолади”, — дейилган компания расмий баёнотида
Изоҳ (0)