UEFA teraktlar uyushtirilishi bilan bog‘liq tahdidlarga qaramasdan, Chempionlar Ligasi o‘yinlarini to‘xtatmoqchi emas

UEFA terrorchilik tahdidlari bo‘lishiga qaramasdan Chempionlar Ligasi o‘yinlarini to‘xtatmoqchi emas.

Avvalroq ISHID Chempionlar Ligasi chorak final o‘yinlari o‘tadigan stadionlarda teraktlar uyushtirishni rejalashtirayotgani xabar qilingandi. 

“UEFA YCHLning shu haftadagi o‘yinlari bilan bog‘liq terrorchilik tahdidlaridan xabardor va mahalliy hokimiyat organlari bilan yaqin aloqada bo‘lib turibdi.

Barcha o‘yinlar belgilangan tartibda, tegishli xavfsizlik choralariga rioya qilgan holda o‘tkazilishi rejalashtirilgan”, — deyiladi bayonotda.

Chempionlar Ligasi chorak finalida “Real” “Manchester Siti”ga qarshi, “PSJ” esa “Barselona”ga qarshi maydonga tushadi. “Arsenal” o‘zida “Bavariya”ni qabul qilsa, yana bir o‘yinda “Atletiko” “Borussiya”ga qarshi bahs olib boradi.

ISHID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.