Qachonlardir kino sanoatida yuqori marralarni zabt etib, Gollivudda mashhurlikka erishish haqida xayoliga ham keltirmagan aktyorlar bor. Ular o‘z ishini mutlaqo noldan — oddiy kasb egaligidan boshlagan. Ofitsiantlik, nonvoylik, fastfud kafesida sotuvchilik kabilar bilan shug‘ullangan mashhurlar bilan quyida yaqindan tanishamiz.
Bred Pitt
Gollivud yulduzi Bred Pitt mashhurlikka erishishdan avval bir paytlar tovuq kostyumida ko‘chalarni kezib, Mad Chicken deb nomlangan restoranni reklama qilar edi. Shuningdek, bo‘lajak yulduz klublarda raqqosa va aktyorlar uchun haydovchi bo‘lib ham ishlagan.
O‘sha vaqtlar Pitt bir kun kelib shaxsiy haydovchisiga ega bo‘lishini tasavvur ham qilmas edi.
Garri Stayls
Aktyor yoshligidan mehnatda toblangan bolalardan bo‘lgan. U avval Cheshirdagi W Mandeville Bakery nomli do‘konda non mahsulotlari sotuvchisi bo‘lib ishlagan.
“Mijozlar uni ko‘rib, chindan ham ko‘zlari yorishib ketar edi. Garri doimo mehnatkash bola bo‘lgan. Uning vazifasiga bulochka sotish, do‘konni tozalash, pol, tovoqlar va peshtaxtalarni yuvish kirar edi”, — deb esladi do‘konning sobiq rahbari Saymon Ueykfild.
Megan Foks
Mashhur aktrisa avvallari qanday kun kechirgani haqida eslashni yoqtirmaydi. Megan Foks turli buyurtmalarni kafelarga tarqatuvchi va haftada bir marta kafe tashqarisida kulgili kostyumda raqsga tushuvchi sifatida ishlagan.
“Men kafeda ishlab, ba’zan xaridorlarni jalb qilish uchun banan kostyumida kafe tashqarisida raqsga tushardim. Eng yomoni — kostyumning yuz qismida kesma bor edi va uning ichida men ekanligimni hamma bilar edi. Kafe yonidan o‘tib ketayotgan tanishlarim esa tinimsiz ustimdan kular, biror xunuk so‘z aytib ketar edi”, — deb o‘tmishini yodga oldi Megan.
Endi ular Megandan dastxat olishsa arziydi.
Jonni Depp
Katta ekranlarga chiqishdan avval aktyor Jonni Depp telefon orqali kanselyariya tovarlarini sotgan. Savdo sohasidagi ish tajribasi unga aktyorlik mahoratini ishga solishga yordam bergan. Depp hiyla va yaxshi muomala bilan odamlarga ruchka sotishga harakat qilar edi.
“Men o‘zimga turli ismlar o‘ylab topar va sovg‘alar, konkurslar borligi haqida yolg‘on gapirib, ko‘proq tovar sotishga urinar edim”, — deya bo‘lishdi Joni.
Margo Robbi
Qachonlardir Margo Subway nomli fastfud taomlar tarmog‘ida ishlagan. Mashhur so‘zlariga ko‘ra, u tayyorlagan sendvichlar juda mazali bo‘lgan. Hozirda aktirsa bunday kafelarga deyarli tashrif buyurmay qo‘ygan.
Kanye Uest
Reper yoshligida Gap brendi kiyim do‘konida sotuvchi bo‘lib ishlagan. Bir necha yillardan so‘ng esa uning Yeezy brendi mazkur kompaniya bilan birga hamkorlikni yo‘lga qo‘ydi.
Yeva Mendes
Yoshligida amerikalik aktrisa Yeva Mendes Hot Dogs On A Stick kafesida ishlagan hamda turli savdo markazlarida hotdog sotgan. U tezroq katta bo‘lishni va moliyaviy mustaqillikka erishishni istagan.
Izoh (0)