Bolaligimizda ota-onalarning uydan tashqaridagi hayoti borligini, ularning ismlari aslida “oyi” va “dada” emasligini va oilaviy majburiyatlardan tashqari, ularning ishi ham borligini tasavvur qilish qiyin edi. Ayrim mashhurlar shaxsiy hayoti jamoatchilik e’tiborini tortmasligi uchun ba’zan o‘z mashhurligini farzandlaridan yashirishni afzal ko‘radi.
Jastin Timberleyk va Jessika Bil
Aktrisa va qo‘shiqchi farzandlarini jamoatchilik e’tiboridan himoya qilishga qaror qilishgan, chunki ularning bolaligi tez tugab qolishini xohlashmaydi. Jastin Timberleyk boshqalar o‘g‘illari Saylas va Fineasga ota-onasining karyerasi tufayli alohida munosabatda bo‘lishlarini istamaydi.
Jennifer Lopes
Jennifer Lopes bir necha yil avval egizaklari ota-onasi haqida maktabda eshitgan va televizorda onalarining chiqishlarini ko‘rgan bo‘lsalar ham ular uchun onasi yoki otasi Mark Entonining shon-shuhrati qiziq emasligi haqida ma’lum qilgan edi.
Jennifer shunday deydi: “Ular bilishadi: ular bu haqda maktabda eshitishgan. Ular otalarining qo‘shiq kuylashini bilishadi, bizning chiqishimizni ko‘rishgan, meni televizorda American Idol’da ko‘rishgan. Ular bunga parvo qilmaydi. Mutlaqo befarq. Men ularga: “Onangiz ishlashi kerak”, desam, ular “Nega?” deb so‘rashadi.
Bleyk Layvli va Rayan Reynolds
Aktyorlarning 3 nafar qizi bor: Jeyms, Ines va Betti. Garchi ular Gollivuddagi eng mashhur juftliklardan biri bo‘lsa ham bolalari uchun jamoat hayoti foydasiz deb hisoblashadi.
“Qizlarimiz bizga o‘xshash oddiy hayot kechirishlarini xohlaymiz. Biz ularni o‘zimizdagi narsadan mahrum qilmoqchi emasmiz, chunki bu biz tomonimizdan qilingan xudbinlik bo‘lardi”, — deydi Bleyk Layvli va Rayan Reynolds o‘z qarorlarini tushuntirgan holda.
Kris Xemsvort
Aktyor va rafiqasi Elza Patakining (u ham aktrisa) 3 farzandi bor: Indiya Rouz va egizaklar Tristan va Sasha. Ota-onalar iloji boricha farzandlaridan o‘zlarining yulduzli hayotini yashiradi.
“Men ishdan kelaman va bolalarimdan biri: “Dada, siz hech yirtqich hayvonlar bilan jang qilganmisiz?” deydi, u Torni biladi. Ammo qolgan ikkitasi bunga ahamiyat bermaydi. Ular: “Ha, dadamiz — Tor, nima bo‘pti?”. Televizorda ko‘rgan narsangiz va haqiqiy hayotingiz o‘rtasidagi chiziq aslida shunday ko‘rinadi. Ulardan kamida bittasiga yoqar ekanman. 3 tadan 1 tasi — yomon natija emas”.
Mila Kunis va Eshton Kutcher
Yulduzli juftlikning farzandlari — Uayt Izabel va Dimitri Portvud turli tadbirlarda bir necha bor suratga tushishgan. Bir necha yil oldin Eshton Kutcher ijtimoiy tarmoqlarda farzandlarining suratlarini nashr qilishni to‘xtatishni so‘ragandi.
“Ular ko‘rib turib, bunday hayotni tanlamadilar”, deb yozgan u o‘z sahifasida.
Skarlett Yoxansson
Aktrisaning 7 yoshli Rouz Doroti ismli qizi bor va 2021-yilda ikkinchi farzandi — Kosmo ismli o‘g‘il ko‘rdi. Qora beva roli bilan hammaga ma’lum bo‘lgan aktrisa o‘zining shaxsiy hayoti haqida ko‘p gapirmaydi, u ijtimoiy tarmoqlarda yo‘q, bolalarining fotosuratlarini ham nashr qilmaydi.
Juliya Roberts
Aktrisa 2012-yilda farzandlari — o‘g‘li Genri Deniel va egizaklari Hezel va Finneas onasining mashhurligini bilmasligini tan oldi. U onalarining yulduz ekanini sezdirib qo‘ygan kulgili voqeani shunday eslaydi: “Bir kishi meni tanib qoldi, keyin boshqasi. Biz o‘tib ketayotganimizda kimdir: “Bu Juliya Roberts-ku”, dedi. Biz esa yo‘limizda davom etardik, o‘g‘lim Finn esa: “To‘g‘ri, mening onam — Juliya Roberts”, degandi.
Izoh (0)